GAIA Erakusketa Iraunkorra Eureka! Zientzia Museoan

Eureka! Zientzia Museoa handitu egin da, "GAIA" erakusketa iraunkorrarekin. Energiaren kontsumo jasangarriari eta ingurumen-aktiboari buruzko erakusketa da, eta gure jasangarritasun-maila neurtu eta ingurumena errespetatzen ikasi ahal izango dugu han.

• Datu orokorrak
• Mapa
• Antolatzailea
• Lotura interesgarriak

Museoaren ordutegia:

Asteartetik ostiralera: 10:00etatik 19:00etara.
Asteburuetan eta jaiegunetan: 11:00etatik 19:00etara.
Kokatua: Museoaren behe-solairuan
Prezioa: Museoko sarrerarekin sar daiteke.

Erakusketa-espazio berria da eta bi eremu ditu:

• Lehen eremuan, bisitari bakoitzari txartel bat emango zaio, modulu interaktiboak eta ikus-entzunezkoak aktibatzeko. Gainera, zenbait galderari erantzuteko aukera izango du bisitariak, zer jasangarritasun-maila duen jakiteko. Energia-kontsumoari buruzko galdera erraz batzuen bidez, bisitariaren kontsumoa aztertuko da jolas moduan. Erakusketaren amaieran, energia aurrezteko zenbait konpromiso hartzeko aukera eskainiko zaio, eta konpromiso horiek etxera eraman ahal izango ditu.
• Bigarren eremua sentikorragoa da; eremu horretan, naturaren taupadak sentituko ditu bisitariak, eta haren historiaren aztarnei jarraituko die. Gure paisaiak ezagutuko ditu, Gipuzkoako zenbait ingurumen-aktiboren bidez. Paisaia interpretatuko du, eta haren garrantzi fisikoa eta naturala ez ezik, kultura- eta elkarbizitza-balioak hartuko ditu kontuan.