Mirandaolako Burdinola: Martxan Dagoela Bisita

Mirandaolako Burdinola martxan ikusteak, hau da makinak eta olagizonak zuzenean lanean ikusteak, orain dela 500 urteetako burdinola batean murgiltzen gaitu.

• Datu orokorrak
• Mapa
• Antolatzailea
• Lotura interesgarriak

Ikustaldiak gutxi gora behera 10 minutu irauten ditu eta hauspoen aretoan hasten da, lan-guneko gelaurrean. Bertan, eta uraren indarraren laguntzarekin, hauspoak martxan jartzen dira horrela burdina galdatuko duen sutegia piztua mantenduko delarik.

Ondoren bisitariak lan-gunera pasako dira, bertan ikuskizun ederraz gozatzeko aukera izango delarik. Burdinola osoa erabat martxan dagoenean hauspoaren soinuak, sutegiaren garrak eta mailuaren kolpatzeak inguratzen gaitu. Usadioko arropekin jantziak dauden olagizonek makina guztiak maneiatzen dituzte, sutegia kontrolatu eta forja-lanean aritzen dira, ikuskizun zirraragarria eskainiz. Ikustaldia gidariaren azalpenekin osatzen da, burdinola baten funtzionamendua eta bizimodua nolakoa izaten zen azalduz. Makinak gelditu ondoren bisitariek olagizonekin hitz egiteko eta ondoan dagoen ermita ikusteko aukera izango dute. Ermitak dituen Soler Blascoren pinturak 1480. urteko maiatzak 3n burdinola honetan gertatu zen mirarizko gertakaria deskribatzen ditu.

Mirandaolako Burdinolaren Martxa Jartzea martxotik urria bitarteko igande guztietan eskainiko da, makina guztiak eta olagizonek lanean ikusteko aukera paregabea. Taldeentzako bisitaldiak ere eskaintzen dira horretarako aurretiko txanda eskatu behar delarik.

Burdinolaren berreraikitzea:

Hirurogeigarren hamarkadan Patricio Etxeberriak Legazpiko historiarekin lotura handia duen burninola hau berriztatzeko agindua eman zuen. 1580.eko maiatzaren 3an gertakizun bat suertatu zen zein ondoren miraritzat bataiatua izan zen (1633), ordudanik gainera Legazpiko festen ardatz bilakatu da.

Mirandaolako Burdinola Legazpiko Mirandaola Parkean dago, eta gutxienez XV. mendetik XIX. mendera arte izan da martxan. Gaur egun, zaharberriturik dago: ubidea, urarka, gurpilak, hauspoa, ingudea, gabia… Behe Erdi Aroan energia hidraulikoa aplikatzea aparteko aurrerapen tekniko eta ekonomikoa izan zen. Hainbestekoa, non burdinolen berariazko foru batek, burdinolek besteak beste ur, egur eta mearekiko zuten eskubidea nekazaritza eta merkataritza arloko interesen gainetik jartzen zuen. Burdina, egur-ikatza egiteko basoak, ur ugari eta itsas portuak izateari esker, Euskal Herri Atlantikoa burdinaren esportatzaile handienetakoa bihurtu zen. Hala ere, Europan garatu ziren teknika berrietara ez egokitzeagatik, Euskal Herriko burdinolek krisi sakona pairatu zuten, eta XIX. mendean itxi egin ziren. Bigarren Gerra Karlistaren ostean, industri iraultzak burdina euskal ekonomiaren eragile bihurtuko du berriro ere.

Ordutegia: Azarotik matxora, hilabeteko lehenengo igandea: 12:00 - 14:00

Sarrera:

• 6,00 euro (Burdinaren Museoa + Burdinola Martxan Dagoela Bisita)
• 4,50 euro (65 urte gorakoek, 15 lagun baino gehiagoko taldeak, familiak eta elkarteak).
• 6 urte beherako haurrek: Dohain.

UROLA GARAIA ESKUALDEKO TURISMO BULEGOA

• Mirandaola parkea
  Telleriarte auzoa z/g
  20230 Legazpi (Gipuzkoa)
  Telefonoa: 943 73 04 28
  mirandaola@lenbur.com