Legazpiko Inauteriak

Legazpiko Inauteri Jaien ospakizuna.

• Datu orokorrak
• Antolatzailea
• Lotura interesgarriak

Gipuzkoan Inauterien Jaiak 1936ko Gerra Zibilaren ondoren debekatuak izan ondoren ahaztu egin ziren. Herri gutxik ez ezik, hauek Udaberriko Jaiak bezala ospatzen zituzten, gainontzekoek ospatzeari uko egin zieten, nahiz eta tradizio zahar hauek ez ahaztu. Debekuaren altxatzearekin batera ospakizun hauek berpiztu egin ziren, batzuek kutsu urbanoagoarekin (desfileak, karrozak, mozorroak,...) eta besteak tradizio handiagokoak, Ohizko Inauteriak, bertan diru-eskeak, dantza tradizionalak eta bestelako konpartsak burutzen zirelarik.

Legazpin inauteri urbanoa berreskuratzen da. Nahiz eta gaur egun Inauteriak ostiraletik igandera ospatu, 80 eta 90. hamarkadetan ospatzen ziren Inauteri Astearteak fama eta sona handia izan zuten.
Ostiralean mozorrotutako ikastetxeetako haur, irakasle, guraso, koadrila eta herritarren desfileak burutzen dira.
Azkeneko urte hauetan Legazpiko Gazteak elkarteak Zapatuko Inauteria antolatzen du, aurtengo gaia "Itsasoa, Legazpiko hondartza, kostaldea" delarik.
1990etik gaur egunera arte, inauteri igandean Sustraiak Dantza Taldeak Euskal Herriko Inauteri ezberdinen konpartsa kaleratzen du, aurtengoa Sorgin Dantza izango delarik.
Legazpiko Inauteriaren azken berritasuna ostiraleko "Lintx-aren etorrera" eta igandeko "Lintx-aren agurra" da.